ກະຊວງພານິດຈີນ ເປີດເຜີຍໃນວັນພຸດວານນີ້ວ່າ ການຄ້າດ້ານການບໍລິການຂອງຈີນ ໄດ້ເພີ່ມຂຶ້ນ 33.5% ເມື່ອທຽບໃສ່ປີກ່ອນ ບັນລຸ 953.48 ຕື້ຢວນ (149.7 ຕື້ໂດລາສະຫະລັດ) ໃນສອງເດືອນທຳອິດຂອງປີນີ້.

ກະຊວງໄດ້ລະບຸໃນຖະແຫຼງການທາງອອນລາຍວ່າ ການສົ່ງອອກການບໍລິການມີມູນຄ່າທັງໝົດ 467.58 ຕື້ຢວນໃນໄລຍະເດືອນມັງກອນ-ກຸມພາ ເພີ່ມຂຶ້ນ 39.4% ຕໍ່ປີ ແລະການນຳເຂົ້າການບໍລິການຢູ່ທີ່ 485.9 ຕື້ຢວນ ເພີ່ມຂຶ້ນ 28.3% ເມື່ອທຽບໃສ່ປີກ່ອນ.

ຍ້ອນວ່າການເຕີບໂຕຂອງການສົ່ງອອກການຄ້າການບໍລິການສູງກວ່າການນໍາເຂົ້າເຖິງ 11.1 ຈຸດສ່ວນຮ້ອຍໃນໄລຍະສອງເດືອນ, ການຂາດດຸນການຄ້າການບໍລິການໄດ້ຫຼຸດລົງ 57.6% ມາຢູ່ທີ່ 18.31 ຕື້ຢວນ, ຫຼຸດລົງ 24.91 ຕື້ຢວນເມື່ອທຽບກັບໄລຍະດຽວກັນຂອງປີກາຍ.

ອີງຕາມຂໍ້ມູນຂອງກະຊວງ, ການຄ້າການບໍລິການທີ່ເນັ້ນໃສ່ຄວາມຮູ້ໄດ້ເພີ່ມຂຶ້ນໃນສອງເດືອນທຳອິດຂອງປີນີ້ ບັນລຸ 382.4 ຕື້ຢວນ, ເພີ່ມຂຶ້ນ 17.9% ຕໍ່ປີ.

ໃນຂະນະດຽວກັນ, ການຄ້າການບໍລິການທ່ອງທ່ຽວໄດ້ເພີ່ມຂຶ້ນ 16.9 ເປີເຊັນ ເມື່ອທຽບໃສ່ປີກ່ອນ ບັນລຸ 149.77 ຕື້ຢວນ.