ປັກກິ່ງ — ຂໍ້ມູນຈາກກະຊວງອຸດສາຫະກຳ ແລະ ເຕັກໂນໂລຊີຂໍ້ມູນຂ່າວສານສະແດງໃຫ້ເຫັນວ່າ ອຸດສາຫະກຳຜະລິດຂໍ້ມູນຂ່າວສານເອເລັກໂຕຣນິກຂອງຈີນຍັງຄົງຮັກສາການເຕີບໂຕທີ່ໝັ້ນຄົງໃນ 8 ເດືອນທຳອິດຂອງປີ.

ມູນຄ່າເພີ່ມຂອງຜູ້ຜະລິດຂໍ້ມູນເອເລັກໂຕຣນິກທີ່ມີລາຍໄດ້ຈາກການດຳເນີນງານປະຈຳປີຢ່າງໜ້ອຍ 20 ລ້ານຢວນ (3.09 ລ້ານໂດລາ) ໄດ້ຂະຫຍາຍຕົວ 18 ເປີເຊັນ ເມື່ອທຽບໃສ່ປີກ່ອນໃນໄລຍະດັ່ງກ່າວ.

MIIT ກ່າວວ່າ ອັດຕາການເຕີບໂຕໄດ້ເພີ່ມຂຶ້ນ 11 ຈຸດເປີເຊັນ ຈາກໄລຍະດຽວກັນຂອງປີກ່ອນ.

ມູນຄ່າການສົ່ງອອກຂອງວິສາຫະກິດຂະໜາດໃຫຍ່ໃນຂະແໜງການນີ້ໄດ້ເພີ່ມຂຶ້ນ 14.3 ເປີເຊັນ ເມື່ອທຽບໃສ່ປີກ່ອນໃນໄລຍະເດືອນມັງກອນ-ສິງຫາ ໃນຂະນະທີ່ການລົງທຶນໃນຊັບສິນຄົງທີ່ໃນຂະແໜງການດັ່ງກ່າວໄດ້ເພີ່ມຂຶ້ນ 24.9 ເປີເຊັນ.

ອີງຕາມຂໍ້ມູນຂອງ MIIT, ຂະແໜງການຜະລິດຂໍ້ມູນຂ່າວສານເອເລັກໂຕຣນິກມີກຳໄລທັງໝົດ 413.9 ຕື້ຢວນໃນໄລຍະ 7 ເດືອນທຳອິດ, ເພີ່ມຂຶ້ນ 43.2% ເມື່ອທຽບໃສ່ປີກ່ອນ. ລາຍຮັບຈາກການດຳເນີນງານຂອງຂະແໜງການຕັ້ງແຕ່ເດືອນມັງກອນຫາເດືອນກໍລະກົດມີມູນຄ່າທັງໝົດ 7.41 ພັນຕື້ຢວນ, ເພີ່ມຂຶ້ນ 19.3%.